منتدى الفرح المسيحى - خلي بالك من الناس اللي حواليك

في ناس الزعل بيكسرهم،
وغيرهم الزعل بيخليهم يسكتوا… ويمشوا… بس من جواهم بيموتوا بالبطيء.
اللي بيحصل جوا نفسية الإنسان مش بسيط،
الزعل ممكن يسبب أمراض، يرهق القلب، يضعف المناعة
، يخلي الواحد يفقد شغفه، نومه، وحتى صحته.
وعشان كده… بلاش نستخف بمشاعر بعض.
بلاش نرفع صوتنا، نضغط على اللي حوالينا،
نضرب بكلامنا في قلوب الناس وكأنهم مش بشر.
الزعل مش ضعف، ولا اللي بيتأثر بسرعة “شخصية حساسة زيادة عن اللزوم”
الموضوع أكبر من كده بكتير.
الاحتواء بيريّح،
والتفهُّم بيعالج،
والكلمة الطيبة ممكن تكون سبب في نجاة حد من نفسه.
خلي بالك من الناس اللي حواليك،
وخلي بالك من نفسك…