منتدى الفرح المسيحى - بحاول أكون بني آدم

فيه حاجات صغيرة جوايا… بحبها، وبحاول أعيشها كل يوم:
♡ بحس بالناس اللي محدش بيحس بيهم، وبحاول أحنّ عليهم حتى لو بكلمة
♡ وبحب بقلبي، من غير ما أستنى مقابل… بس عشان الحب نفسه جميل
♡ وبدي من روحي، مش علشان واجب، لكن علشان دي طبيعتي
♡ وبحب لغيري اللي بتمناه لنفسي، من قلبي
♡ وبصحى أوقات بفكرة جميلة حلمت بيها… وأقول يمكن تنفع حد،
أو تفرّح روح حد واقولهالهم
♡ وبدي لنفسي لحظة هدوء، أسمع فيها صوت قلبي، وأرجع أفتكر أنا مين
♡ وبكلم نفسي آخر الليل، بشوف غلطاتي، من غير جلد ولا قسوة…
بس علشان أبني من نفسي حد أحسن
♡ وبحب أختلي بربنا، تحت السما، وأقول:
“أنا مصدق إن كل شيء في حياتي حسب حكمتك…
وإني دايمًا بين إيديك”
⸻
في الآخر…
أنا مش مثالي، ولا ملاك…
بس بحاول أكون بني آدم…
فيه رحمة، وفيه نور، وفيه حب… حتى لو بسيط.
وده كفاية عليا.