منتدى الفرح المسيحى - اديني يارب نفس النظرة اللي كانت في عيون بطرس

اديني يارب نفس النظرة اللي كانت في عيون بطرس…
النظرة اللي كانت مليانة اندهاش…
اندهاش من إنك إنت اللي بتدي فوق التوقعات
، بعد ليل كامل من الفشل والتعب.

اديني النظرة اللي خلت بطرس ينسى تعب الصيد…
وينسى كل حاجة ويقع عند رجليك ويقول:
“اخرج من سفينتي يا رب لأني إنسان خاطئ!”

اديني اللحظة اللي قلبه شاف فيها إن البركة مش في الشبكة،
لكن في وجودك جوه المركب…
في طاعتك حتى لو الطلب غريب…
في إنك بتظهر فجأة بعد اليأس وتملانا باللي مش متوقعينه.

عايز أشوفك بعين بطرس اللي شافت شبكة عايزة تتقطع
من كتر السمك…
مش بس عشان الفرح، لكن عشان أصدق من تاني إنك دايمًا قريب
… وإن ايدك مش بتتأخر.