منتدى الفرح المسيحى - هتيجيلك بركات ما في الغيب وانت بتدير اللي في الجيب بإيمان

https://upload.chjoy.com/uploads/175200127856781.jpg

ناس كتير عايشة بالمبدأ دا…
اصرف ما في الجيب… ياتيك ما في الغيب!💸
اللي يجي لازم يتفرتك، وديون كل شهر،
ومبدأ: "ساعة الله يعين الله!"

واللي مايصرفش، يتقال عليه بخيل،
مش واثق في ربنا، مش عايش!🤨

بس الرب يسوع قال حاجة تانية خالص…
وَمَنْ مِنْكُمْ وَهُوَ يُرِيدُ أَنْ يَبْنِيَ بُرْجًا
لاَ يَجْلِسُ أَوَّلًا وَيَحْسِبُ النَّفَقَةَ، هَلْ عِنْدَهُ مَا يَلْزَمُ لِكَمَالِهِ؟
(لوقا ١٤: ٢٨)

يعني الحكمة مش ضد الإيمان، والتخطيط مش عكس الاتكال.

ابسط اقتصادي، أو خبير مالي هيقولك:
قسم دخلك بوعي…👍
ما بين احتياج، وادخار، واستثمار، وفرحة بسيطة.😊

اقعد كل شهر واحسب النفقة…
علشان تقدر في الآخر تبني حاجة حقيقية🏠

صدقني…
ربنا اللي بيشوف قلبك،
لو لقاك أمين وحكيم في القليل،
هيأمنك على الكتير…
وهتيجيلك بركات "ما في الغيب"
وانت بتدير اللي في الجيب بإيمان وحكمة.👌
تيته_قالتلي