|
كل تعب جوه القلب ربنا سامعه
لكل واحد فينا صراعه المميت مش دايمًا بيبان ولا بيتشرح ولا حتى بيتفهم فيه خناقة ساكنة بينك وبين ربنا بين “الإيمان” اللي بتحاول تمسك فيه و”الوجع” اللي بيشدّك كل شوية لتحت فيه صلوات اتقالت ومافيش استجابة حاجة نفسك فيها وبتموت جواك كل يوم حاجة اتحرمت منها ومش قادر تسامح الحياة ولا تقبل من ربنا إنها ما حصلتش فيه وجع مكبوت بقاله سنين ساكن تحت ضلوعك مش بتتكلم عنه عشان الناس كلامهم يوجع وفي نفس الوقت انت مش قادر تنسى فيه حاجة… كل ما تقول خلاص هتهدى، ترجع توجعك تاني حاجة مش بتنتهي ولا انت عارف تتعافى منها بس بتحاول تعيش حواليها… كأنها مش موجودة جواك حرب بينك وبين نفسك بينك وبين اللي حصل بينك وبين اللي ما حصلش صراع صامت… بيموّت حاجة جواك كل شوية بس انت لسه واقف لسه بتكمّل حتى وأنت تعبان مش كل تعب بيتشاف بس كل تعب جوه القلب… ربنا سامعه |
| الساعة الآن 08:57 PM |
Powered by vBulletin® Copyright ©2000 - 2025