منتدى الفرح المسيحى - اطفي لهيب النار والحريق يا رب

اطفي لهيب النار والحريق يا رب، سواء نار خارجة
حوالينا، أو نار جوانا مش لاقية اللي يطبطب عليها…
اطفي كل وجع مش قادرين نطفيه
، وكل خوف بيكوي قلوبنا في صمت…
اطفي نار الغيرة، نار الحزن، نار الوحدة، نار القهر…
وابعث لنا برد وسلام، زي ما بعته لثلاثة فتيّة في وسط الأتون…

إلهنا، أنت وحدك اللي بتدخل الأتون معانا
… ومهما عليّت النار، حضورك بيكون أعظم.
فاطفي يا رب… وطمنّا.