منتدى الفرح المسيحى - ازعلوا ان محدش لسه داق المسيح بصدق وحق

في ناس بطلنا نزعل منهم
بس بقينا زعلانين عليهم
زعلانين عليهم ان لسه مش قادرين يتغيروا او يحاولوا يتغيروا بمعرفه المسيح
مافيش فينا حد كامل أبدا أبدا أبدا
كلنا عندنا اخطاء كبيره
بس القلب الصعب اللي مش عاوز ياخد خطوه ناحيه تغيير حقيقي
ويسلم قلبه لربنا
ويخلع ثوب الكبرياء والانانيه
ويلبس ثوب المسيح اللي فيه رحمه وتواضع
ده مايتزعلش منه خلاص ده يتزعل عليه
اللي بيحضر الكنيسه ويتناول ويصلي
ولسه مش لابس المسيح ده يتزعل عليه
اللي بيخدم ويبان قصاد الناس انه حلو وهو قلبه صعب ده يتزعل عليه
اللي مانع نفسه انه يتنازل علشان كبريائه مسيطر عليه ده يتزعل عليه
كل اللي لسه مش قادر يعمل من أعمال المسيح ده يتزعل عليه
عارف حتي لو مش قادر بس
حتي بتقوله يارب ساعدني اقدر ده كويس
اللي مش عمال يزود في قسوه قلبه وبيحاول يصلح حتي ده كويس
لكن اللي عمال يزود في قسوه قلبه
ومش قادر يصلح حتي مواقفه وخد قرار أنا وبس مش مهم حاجه تاني
ده مايتزعلش منه ده يتزعل عليه
ازعلوا ان محدش لسه داق المسيح بصدق وحق