منتدى الفرح المسيحى - التلمذة مش منهج وخلصانه

تاخد شوية دروس، تحفظ شوية مبادئ
، وتتخرج معاك "شهادة تلميذ"! 🙃
هي دي التلمذة في نظر بعض الناس👀

الرب يسوع ما قالش:
"خد المنهج وخلصه"،
قال "اتبعني"
والمشي وراه كان فيه مطر، وجوع، وسفن بتغرق…
وكان فيه صليب، لكن كمان فيه مجد وقيامة😍

بولس قال لتيموثاوس:

وَأَمَّا أَنْتَ فَاثْبُتْ عَلَى مَا تَعَلَّمْتَ وَأَيْقَنْتَ،
عَارِفًا مِمَّنْ تَعَلَّمْتَ." (2 تي 3: 14).
يعني، كمل، عيش، اثبت، ماتقفش.✋

المشكلة بقى في الناس اللي بدأت تتعامل مع التلمذة
كأنها تريند روحي. نعمل جروب، نسمع وعظة، نتحمس
… وبعدين خلاص.

الكنيسة اللي بتعيش التلمذة مش مجرد مستمعة…⛪
الكنيسة اللي بتعيش التلمذة ماشية ورا يسوع خطوة بخطوة، مهما كانت التكلفة.

يارب علّمني أكون تابع ليك، في الصح،
خلّيني أعيش التلمذة الحقيقية ماتكونش نشاط،
وكل يوم أمشي وراك… مش أتكلم عنك بس🙏