منتدى الفرح المسيحى - خلي قلبي دايمًا طري قدامك

https://upload.chjoy.com/uploads/17420557932331.jpg

يا رب،
أنا ممكن أقول إني بتوب…
بس الحقيقة، أوقات كتير توبتي
كانت كلام من بُقي مش من قلبي.

يوحنا المعمدان بيقوللي:
"اصنعوا أثمارًا تليق بالتوبة"
يعني التوبة مش لحظة،
دي طريق…
وأنا محتاج أمشيه بكلّي،
مش أقول وقلبي لسه ماسك في نفس الغلط.

ساعدني يا رب،
أعيش توبتي فعلاً، مش بس أعلنها،
أصنع ثمار:
حب بدل الغضب،
غفران بدل الحقد،
صدق بدل المظاهر،
نقاوة بدل التراخي.

خليني لما الناس تشوفني،
تشوف فيا علامة إنك غيرتني…
مش بالكلام، لكن بالفعل.

وانا لوحدي ضعيف…
بس معاك كل شيء ممكن.

ثبتني فيك،
وخلي قلبي دايمًا طري قدامك،
ويجيب ثمر حلو يفرّح قلبك.