منتدى الفرح المسيحى - مش طالب غير إيدك تمسح كل اللي كسرني

https://upload.chjoy.com/uploads/175148024389611.jpg

اُفْرُجْ ضِيقَاتِ قَلْبِي،

مش قادر أشرحها لحد…
ولا حتى أفهمها لوحدي.

في حاجات جوايا متكتفة…
وأوقات بحس إنّي مش قادر آخد نَفَس.
بس كل رجائي فيك…
أنت اللي بتفهم حتى التنهدات اللي ملهاش صوت.

مِنْ شَدَائِدِي أَخْرِجْنِي،

وطلّعني من اللي مش شايف له آخر.
افتحلي باب كنت فاكره مقفول من سنين…
وريني نورك وسط الزحمة اللي مخلّياني تايه.

أنا مش طالب غير خلاصك…
مش طالب غير سلامك…
مش طالب غير إيدك تمسح كل اللي كسرني.