منتدى الفرح المسيحى - ما تبصيش للعواصف اللي حواليك خلي عينيكي على يسوع

https://upload.chjoy.com/uploads/175036400105581.jpg

في (متى 14)
التلاميذ كانوا في السفينة وسط البحر🌊
والريح كانت شديدة.
.فجأة شافوا يسوع ماشي على الميه فخافوا وقالوا ده خيال..
لكن يسوع قالهم: "تشجعوا أنا هو، مفيش خوف."
في اللحظة دي..بطرس قال: "يا سيد، لو إنت قولي اجي لعندك
قاله يسوع: تعال...🫵🏻
نزل بطرس وابتدى يمشي على الميه.. لكن لما شاف الريح والموج...
قلبه اتملأ بالخوف وابتدى يغرق فصرخ: "يا رب...نجني"
فمد يسوع إيده ومسكه..❤️
ممكن النهاردة يسوع يدعيك علشان تاخد خطوة إيمان
وتخرج من دايرة الراحة اللي اتعودت عليها.
ما تبصيش للعواصف اللي حواليك خلي عينيكي على يسوع
وكون واثق إنه ماسك ايدك في كل خطوة.😍