منتدى الفرح المسيحى - ماينفعش تمتلئ وتسكت

"وَامْتَلأَ الْجَمِيعُ مِنَ الرُّوحِ الْقُدُسِ،
وَابْتَدَأُوا يَتَكَلَّمُونَ بِأَلْسِنَةٍ أُخْرَى
كَمَا أَعْطَاهُمُ الرُّوحُ أَنْ يَنْطِقُوا." (أع 2 : 4)
مش بس الروح جه..الروح "مَلَى"..
يعني ما اكتفاش بلمسة..ولا بزيارة خفيفة..
ده سكن وامتلأ وسيطر..
والنتيجة؟
الناس اللي كانوا ساكتين في العلية..
بقوا أصوات بتنطق بلغات جديدة..
مش عشان يتفاخروا..
لكن عشان يوصلوا الرسالة للكل أياً كانت لغته..
دي مش معجزة "لغات" بس..
دي معجزة ناس كانت مستخبية..
اتكلمت فجأة بصوت عالي..اتكلمت بحياة..
اتكلمت باسم يسوع قدام اللي كان بيخوفهم قبل كده..
امتلأوا..فتكلموا..
ماينفعش تمتلئ وتسكت..
اللي جواك هيطلع والنار هتتحول لكلام حي..