منتدى الفرح المسيحى - ابدأ الصيام ده برؤية جديدة

https://upload.chjoy.com/uploads/174950316581331.jpg

بدء_صوم_الرسل
الكنيسة بتبتدي صيام الرسل
علشان تفكرنا إن كل بداية حقيقية في الخدمة..
لازم تخرج من عمق العلاقة بربنا..
الرُسل ما خرجوش يبشروا العالم أول ما المسيح قام.
.ولا حتى بعد ما صعد..
استنوا وصلّوا وصاموا..لحد ما "حلّ الروح القدس عليهم"..
وساعتها بدأ الإرسال..مش قبل كدة..

يعني قبل ما "تخدم" لازم تسيب مساحة لربنا يخدمك أنت من جواك..
قبل ما تقول للناس "توبوا" لازم تقولها لنفسك بصوت صادق..
قبل ما تتحرك لبرا لازم تتسند من جوا الأول..

صيام الرسل مش مجرد مرحلة بين العيد وصوم العدرا..
ده صيام بيعلّمني إني ما ينفعش أخدم وأنا فاضي..
ولا أتكلم عن ربنا وأنا مش سامعه..

ابدأ الصيام ده برؤية جديدة:
كل صيام هو استدعاء شخصي من ربنا.
."أنا عايز أملاك علشان أبعَتك"..