منتدى الفرح المسيحى - المعجزة مش دايمًا ضوء نازل من فوق ممكن تكون إنسان جنبك

أوقات كتير بنفضل مستنيين السماء تتشقّ
ونشوف معجزة خارقة،
وننسى إن المعجزات أحيانًا بتكون ماشية على رجلين.
شخص طيب، كلمة فيها عزاء، حضن صادق،
أو حتى سؤال بسيط من حد ناسي نفسه وبيفكر فيك.
ربنا لما يحب يطبطب، بيبعت ناس من نوره،
قلبهم واسع، وعنيهم شايفينك من جوه.
دول المعجزات اللي مش بتتهز الأرض معاهم،
لكن بتتهز روحك وتهدا.
خد بالك، المعجزة مش دايمًا ضوء نازل من فوق..
ممكن تكون إنسان جنبك.