منتدى الفرح المسيحى - تعمل ايه في الأجازة لو انت مش مسافر ؟

تعمل ايه في الأجازة لو انت مش مسافر ؟

١-ممكن تحضر قداس و يُفضل تبقي مع أسرتك هيبقي بركة كبيرة للبيت
خاصة يوم الأحد هيبقي قداس عيد العنصرة ( عيد حلول الروح القدس )

٢-ممكن تروح لأب إعترافك هيبقي عنده
وقت حلو لك و تطلع فرحان بصلاة التحليل.

٣-ممكن تزور مريض أو أحد المُسنين
أو أي شخص تعرفه عايش لوحده علشان تسنده بكلمة حلوة و تفرحه بزيارتك.

٤-ممكن تخرج مع أسرتك في مكان ديني
و تأخذ بركة القديسين أو مكان أثري و تعرف بلدك أكثر و تفتخر بها .

٥-ممكن تخرج مع أسرتك في مكان ترفيهي مناسب بدون تكلفة عالية و تفرحوا أنكم موجودين مع بعض في أيام الأجازة.

٦-ممكن تعمل مع أسرتك دراسة في جزء صغير من الكتاب المقدس
و ليكن الموعظة علي الجبل إنجيل متي ٥،٦،٧
أو رسالة أفسس إصحاحي ٤،٥
أو رسالة كورنثوس الأولي إصحاح ١٣
أو رسالة يوحنا الأولي الإصحاح الرابع
أو غيرهم

٧-ممكن تحضر إجتماع للصلاة و تفرح بالصلاة و التسبيح

صدقني بالسفر و بدون سفر ممكن تفرح
المهم تشكر و تتوب و تخدم .

اِفْرَحُوا فِي الرَّبِّ كُلَّ حِينٍ، وَأَقُولُ أَيْضًا: افْرَحُوا. في ٤:٤