منتدى الفرح المسيحى - مش هانجحك فى مادتى طول منا موجود فى الكليه

مش هانجحك فى مادتى طول منا موجود فى الكليه

..
سامح طالب فى بكالريوس وبسبب مشاده مابينه وبين الدكتور بتاعه على جزء فى الشرح وسامح كان له وجهة نظر مختلفه وده عكر غرور الدكتور قدام الطلبه وقاله طيب ايه رايك طول منا موجود مش هاتنجح فى مادتى وورينى بقى هاتعدى ازاى ...
سامح من الطلبه المتفوقين اللى كل سنه بيطلع بتقدير امتياز والمفروض انه فى اخر سنه لو طلع بامتياز هايتعين معيد وكان الكل متوقعله بكدا ..
ليلة امتحان مادة الدكتور ده سامح كان قاعد متطمن جدا ولا كأن فى حاجه ولما حد يساله ازاى مش خايف ؟؟
يقول واخاف من ايه هايكون اقوى من ربنا مثلا! ولا كلمته هاتمشى على كلمة ربنا ! ؟
اللى عاوزه ربنا يكون وزى ما تيجى
يوم الامتحان حصلت حاجه غريبه جدا ..
فى نص اللجنه وكل الطلبه بتحل دخل عميد الكليه ولغى الامتحان وحول الدكتور للتحقيق ..
طب ايه اللى حصل؟
قالك الامتحان اتسرب
واللى هايحط الامتحان دكتور تانى خالص
ونجح سامح واتعين معيد وكلمة ربنا هى اللى مشيت فى الاخر 😉🥰🫰
عزيزى القارىء
مهما قامت وهاجت الدنيا عليك إطمن انت فى حماية ربنا 😉