منتدى الفرح المسيحى - الناس مش محتاجة خادم بيشدّها

https://upload.chjoy.com/uploads/173763620518641.jpg

خليك_خادم_واعى
أوقات كتير لما بنشوف حد بعيد عن ربنا أو واقع في خطية..
بيشتعل جوانا حماس حقيقي إنه يتغير..
وده كويس..
بس الخطر إن الحماس ده لو مافيهوش وعي
ممكن يتحول لضغط..
وللأسف الضغط مش بيغيّر..
أحيانًا بيكسر..
في ناس عندها جروح من طفولتها..
ناس مش متعودة تتشاف ولا تتحب من غير شروط..
ناس أول ما تحس إنك "عايز تغيّرهم"
..بيتقفلوا مش علشان مش عايزين ربنا..
لكن علشان صوت الضغط بيرجّع لهم ذكريات قديمة
فيها ألم ورفض..
السيد المسيح عمره ما دخل قلب بالإجبار..
ولا حتى بصرخة غضب..
دخل القلوب الجريحة بصوته الهادي:
"ولا أنا أدينك..اذهبي ولا تخطئي أيضًا."

خليك خادم واعي:
الناس مش محتاجة خادم بيشدّها..
الناس محتاجة حضن روحي يطمنها..
يحسسها إن ربنا مش هيكسرها..ده جاي يرممها..
مفهوم إن نيتك صافية وهدفك سامى..
لكن النية لوحدها مش كفاية..لازم تتحط في إناء من رقة..