منتدى الفرح المسيحى - أنا مستعجل على طبطبتك

https://upload.chjoy.com/uploads/171357053780721.jpg

عارف إنك سامعني حتى لو ساكت
وعارف إنك شايفني حتى لو مش باين
وعارف إنك ماسك قلبي بإيدك.. بس إمتى هتطمنه؟

الليلادي؟
ولا لما يمرّ شوية وقت عالصبر؟
ولا بعد سنين لما أكون اتغيرت وبقيت مستعد؟

أنا مش مستعجل عالفرج،
أنا مستعجل على طبطبتك..
على لمسة تطمني إنك هنا، ومش ناسي.

بس حتى لو اتأخرت.. هفضل مستنيك
لإني متأكد إن كل حاجة منك، في وقتها، بتبقى كاملة.