منتدى الفرح المسيحى - شايفينك وعارفينك

https://upload.chjoy.com/uploads/174784329378481.jpg

لازم هتعدي على القرايب ..
اللي شايفينك من غير أقنعة،
اللي عارفين ضعفك،
اللي ممكن يكونوا شايلين من تصرفاتك،
اللي بينك وبينهم مشاعر متلخبطة…
هنا بتظهر الشهادة الحقيقية..
"تَكُونُونَ لِي شُهُودًا" (أع ١:٨)

بيشوفوا الرب يسوع في ردود أفعالك؟
في صبرك؟ في مسامحتك؟
ولا شايفين تعليمك حاجة… وتصرفاتك حاجة تانية؟

لو ماعرفتش أحب اللي قريب ومزعّلني،
إزاي هاحب اللي بعيد ومافيش بيني وبينه حاجة؟

الشهادة مش مشاعر روحية مؤقتة.
الشهادة هي حياة يومية بتتعاش…
أولهم في البيت، وفي الزحمة، وفي الخناقة، وفي الخذلان،
وفي الحوار اللي كان ممكن أجرح فيه لكن اخترت أسكت.

الشهادة مش اللي بتكلم فيها عن الرب بس،
لكن اللي بعرف أعيش فيها زيه...

يا رب، قبل ما أروح لأقصى الأرض،
علّمني أعيش إرساليتي في مكاني.
قدّسني، نضّف دوافع قلبي، وعلّمني أحب القريب الصعب،
وخلّي شهادتي ليك تبان في علاقاتي اللي حواليّ
مش بس في كلامي اللي من بره. آمين