|
انت مش قليل بس انت فى المكان الغلط
انت مش قليل بس انت فى المكان الغلط كنت واقف فى اشاره والدنيا زحمه جدا دخل عليا ولد صغير رمى فى حجرى شرابات وجرى بصيت فى الشراب لاقيته تقيل وحلو مش وحش ولا خفيف المهم فضلت ابص يمين وشمال ونزلت من العربيه ادور عليه لاقيته واقف عند عربيه تانى ومعاه كرتونه ، استنيته لما يجى ، قالى التلاته ب٦٠ قولتله بعنى الواحد ب٢٠؟؟؟ قالى اه معقول شراب زى ده تقيل ب٢٠ بس ده انا بجيب القطونيل بمبلغ وصدقونى مايفرقش حاجه عن القطونيل المهم قولتله هات ٦ اخدتهم ومشيت وانا بفكر ازاى شراب بيتباع ب٢٠ وفى مكان تانى نفس الخامه بيتباع ب١٢٠ شراب بنفس الخامه دى فى مكان تانى بيقعد فى محل على رف نضيف وتكيف ويجى الزبون ياخده باعلى سعرر.. مابيتبهدلش فى المرور ولا يترمى من عربيه لعربيه ومية ايد تفضل تقلب فيه .. لاقيت ان كل حاجه المكان نفسه هو اللى بيديها سعر .. يعنى انت بامكانياتك وقدراتك لو فى مكان متواضع جدا هايكون سعرك قليل جدا لكن لو اتحطيت فى المكان الصح هاتلاقى سعرك يزيد انت مش قليل بس انت فى المكان الغلط اللى مش مقدر قيمتك .. |
رد: انت مش قليل بس انت فى المكان الغلط
اقتباس:
شكراً ربنا يباركك |
| الساعة الآن 11:58 PM |
Powered by vBulletin® Copyright ©2000 - 2025