منتدى الفرح المسيحى - المحبة وقت الخلاف

https://upload.chjoy.com/uploads/174733896187461.jpg

قولت أسأل بولس الرسول:
إزاي اختلفت مع برنابا؟!
هوّ مش برنابا اللي وقف جنبك في بداية إيمانك؟
مش هو الوحيد اللي صدّق اختبارك؟
إزاي تقوله "مش هناخد يوحنا مرقس معانا في الرحلة التانية"؟
هو علشان سبنا قبل كده، يبقى خلاص ماينفعش يكمّل؟
وازاي يوصل بيكم الحال إنكم تنقسموا فريقين:
برنابا ياخد مرقس، وإنت تكمّل بسيلا؟!
وهنا، تخيلت وكأن بولس بيرد عليّ ويقولي:
"الاختلاف مش معناه الخصام ولا بيقلل من محبتنا…
ولا إنّي نسيت اللي عمله برنابا عشاني..
اتعلمت إنه ينفع نختلف ونحب بعض في نفس الوقت.
اتعلمت إن الخلاف مش بيفسد للود قضية،
وإن في قلب الكنيسة ممكن يظهر المسيح حتى في اختلافاتنا،
لو قلوبنا مليانة بالحب لبعض
وإنت بتخدم، افتكر:
الاتفاق مش دايمًا دليل المحبة،
لكن المحبة الحقيقية بتبان لما نعرف نختلف…
ونفضل نحب.