منتدى الفرح المسيحى - لو ربنا خد منك حاجه نفسك فيها اتأكد انه هايعوضك بالأحسن

كنت قاعد فى الأتوبيس ولاقيت اب وابنه حوالى سنتين قاعدين فى الصف اللى جنبى ، فالولد كان معاه عصايه لعبه جواها كور صغيره من البلاستك ، الولد كان فرحان بيها قوووووى ومتسلى بيها ومندمج ، لاقيت ابوه خدها منه فجأه وشالها ، والولد فضل يصرخ جامد ويعيط ، فاقولتله ماتدهاله يلعب بيها ، لاقيته بيقولى " خايف عليه عشان فيها كور صغيره بلاستك لحسن حاجه منها تروح فى بقه يبلعها "
بعدها بعشر دقايق كدا طلع بياع فى الاتوبيس معاه دباديب بتنور وبتطلع اصوات حيوانات حلوه قوى ، لاقيت ابو الولد اشتراله واحد وعطاهله يلعب به والولد حرفيا انبهر 🥰🥰..
عزيزى القارىء الخلاصه اللى عاوز اقولها
لو ربنا خد منك حاجه نفسك فيها اتأكد انه هايعوضك بالأحسن منها كل اللى عليك انك تنتظر بايمان قوى .. قريب هاتفرح
#سيستجيب