منتدى الفرح المسيحى - أنا فديتك حبي اديتك وبدمي أنا يا ابني شاريك

https://upload.chjoy.com/uploads/174668753329041.jpg

قلت عيني هاتبقى عليك تحت جناحي أنا هاحميك
أنا فديتك حبي اديتك وبدمي أنا يا ابني شاريك وبدمي أنا يا ابني شاريك
إنت إله معروف بأمانتك مش إنت اللي بتنكر نفسك
يوم الأزمة الاقيك بتجيني وبإيدك إنت تنجيني
تسمعني قبل انا ما انده لك
بوعودك تضمن لي ايامي مهما يكون تبقى انت سلامي
مين غيرك يهتم بنفسي يحيني ويرفعي ف يأسي
ويعزيني ف وقت الامي
قلت عليك إن أنت ناسينى ولا بتدافع ولا تحمينى
ولا بيهمك ايه يفرحنى ولا بيهمك إيه يبكينى
لقيتك راسم صورة لخطة ماهيش محصورة
فى ضعفى وجهلي وفكرى البشرى وقدراتى المحدودة
ولقيتك أب فى وقت الحاجة تجرى تمد الايد
ونبص بنظرتنا المحدودة وأنت تشوف لبعيد

قلت الناس مساكين وغلابة وانت بعيد والدنيا دي غابة
والإيمان والصورة الحلوة لرعايتك شعارات كدابة
لقيت قلبك مليان إحساس وبتتألم لآلام الناس
وعايش فى همومنا ومشاكلنا وفى قلب الأحداث
ولقيتك لما الجوع بيشد تبعت خبزي مع الطير
أتذمر وأنت تكون بتعد وترتب لى الخير

قلت عليك ما بتسمعنيش انده ياما عليك ما تجيش
قلت إن أنت خلقت الناس وسايبنا نعيش زى ما بنعيش
لقيت فى الشك غباء وسذاجة ساعات أحلامنا تكون محتاجة
الشكر مع الإيمان والصبر و دموع الصلاة بلجاجة
ولقيت الصلاة والصبر معاك مجهود مش بيضيع
واللى يجيلك عشمان يلقاك رب بصير وسميع

قلت إن انت بعيد فى سماك وعينى ماهياش شايفاك
وأعمل إيه علشان اوصلك وأعمل إيه علشان ألقاك
لقيتك جيت فى صورة إنسان وعشت ف نفس ظروفى كمان
واتقال عنك رجل الأوجاع ومختبر الأحزان
سامحنى بدم بصليبك آسف أسأت الفهم فى يوم
وفى ثورة غضبى وقلبى الخايف وجهت لك لوم