منتدى الفرح المسيحى - سلامك فينا سلام الله سلام من قلبك يا ابن الله

https://upload.chjoy.com/uploads/174627394943151.jpg

سلامك فينا سلام الله
سلام من قلبك يا ابن الله
مش زي ما يدينا العالم
عطاياك إنت عطايا الله

سلامك فينا يشيل الخوف
ويطرد منا ظلام القلب
والعين المقفولة تشوف
إننا محفوظين في الله

سلامك فينا يطمئنا
ويهدِّينا في وقت الصعب
وروحك فينا يعزينا
بلمسة وسندة وفرح الله

سلامك فينا ده فاق العقل
ومين يدرك أشياء الله
غير روحك ييجي وينقل
لنا من قلبك شيء نحياه

سلامك فينا يجينا في وقت
ما الناس تفقد كل سلام
عند ما نوصل كلمة ”ضعت“
يجمعنا سلامك في الله

سلامك فينا ده ثمر الروح
يطرح وقت الحاجة إليه
طول ما القلب إليك مفتوح
بالصلاة والشكر ها نلقاه

سلامك فينا ده تركة وزاد
زي ما وعدتنا وإنت أمين
ولحد ما تيجي بأمجاد
”إحفظ شعبك يا ابن الله“

يا ملك السلام
أعطنا سلامك
قرر لنا سلامك
واغفر لنا خطايانا