منتدى الفرح المسيحى - الخدمة مش بنك معلومات

https://upload.chjoy.com/uploads/173763620518641.jpg

خليك_خادم_واعى
الخدمة مش بنك معلومات..
ولا امتحان بنوزّع فيه الإجابة النموذجية..
الخدمة تكوين مخدوم عنده الشغف بالمعرفة..
تكوين مخدوم عارف يسأل..بيتعلم يدور ويفكر ويتناقش ويتشكّل..
ما تحبسش الحق في قالب محفوظ..
سيبه يكتشفه..
ما تقتلش الفضول بالإجابات الجاهزة..
انفخ جواه نار البحث..
الخادم الواعي مش اللي عنده كل الإجابات..
الخادم الواعي هو اللي بيخلق جُوع مقدّس جوا المخدوم..
جُوع يخليه يرجع للكتاب المقدس..
ويفتح تفسير..
ويصلي وهو بيدوّر..
ويعيش الرحلة..مش بس يوصل للنتيجة..
ربّي في مخدومك عقل بيسأل..مش ودن بتسمع بس..