منتدى الفرح المسيحى - كل سنة وكل راقد غالي في حضن النور

https://upload.chjoy.com/uploads/174631152020441.jpg

في عيد القيامة… بنتلم حوالين النور
بنرنّم “المسيح قام”، وبنفرح بالانتصار
بس جوانا حتة ساكتة… فيها ناس غالية قوي
ناس سبقتنا للسما، وسابت مكانها فاضي حوالينا
بنفتكرهم…
في ضحكة كنا بنسمعها
في حضن كنا بنرتاح فيه
في كرسي فاضي
بس بنفتكرهم كمان…
وإحنا بنقول:
“المسيح قام… وصار باكورة الراقدين”
يعني همّ مش راحوا
همّ قاموا معاه… واستنونا عند باب النور
في العيد ده…
بنفرح، بس بنشتاق
بنرنّم، بس بنعيّط
وبنصدق… إن الفُراق مش نهاية
وإن اللقاء جاي…
كل سنة وكل راقد غالي… في حضن النور
كل سنة وإحنا على وعد بالقيامة