منتدى الفرح المسيحى - (1 كورنثوس 13: 6) المحبة تفرح بالحق

https://upload.chjoy.com/uploads/174622815652171.jpg

“المحبة لا تفرح بالإثم، بل تفرح بالحق”
(1 كورنثوس 13: 6)

يعني إيه؟
يعني المحبة الحقيقية مش بتنبسط لما تلاقي حد واقع
ولا بتشمت في فضيحة
ولا بتتغذى على إشاعة
ولا بتجري ورا اللقطة

المحبة مش بتشوف في الفضيحة “فرصة”
ولا في الانهيار “حكاية تحكيها”
المحبة مش بتقول “أنا صح”،
لكن بتسأل “فين الحق؟ وإزاي نوصله برحمة؟”

المحبة مش بتحمي الغلط
بس كمان مش بتعدم الرحمة
المحبة بتفتح عينها على الوجع
بتدور على شفا
مش على شبهة

في زمن بقى الكلام فيه أسرع من الفهم
والمشاركة أسرع من التحقق
المحبة بتوقفنا
وتفكرنا:
مش كل حاجة تتقال لازم تتصدق
ومش كل صمت خيانة
ومش كل هجوم شجاعة

المحبة فرحها مش في الهجوم
ولا في الإدانة
المحبة فرحها… في الحق
بس الحق اللي بيبني
مش اللي بيكسر