منتدى الفرح المسيحى - مارجرجس شخصية تاريخية معروفة في العالم كله

https://upload.chjoy.com/uploads/174609907666871.jpg

مارجرجس شخصية تاريخية معروفة في العالم كله،
شهيد مسيحي وصل صيته ومعجزاته لأماكن كتير

لك ان تتخيل ان من كُتر ما هو مؤثر روسيا
وضعت صورته علي علمها القديم، انجلترا
وضعت صورته علي عملتها القديمة
ولحد انهاردة عيده بيبقي عيد رسمي في البلد
واجازة لكل الناس، بلد چورچيا
اسمها علي اسمه وله تمثال هناك،
حتي في مصر في محطة مترو بإسمه في مصر القديمة
لما تروح تزور الكنايس اللي باسمه
هتفوجئ بعدد الناس اللي كاتبين "شكراً مارجرجس"
هناك ولما تسأل حد من الأمن هيقولك كل ما حد يحصله معجزة من مارجرجس ييجي يكتب كدة (ممكن تشوف الصورة تحت)

الأغرب من كل دا بقي ان مارجرجس اساساً استشهد وهو عنده ٢٣ سنة!
وقتها كان فريق أول في الجيش،
وكان خاطب، يعني علاقة عاطفية ناجحة
ووضع مرموق في الدولة وهو لسة في عز شبابه اصلاً
، مارجرجس كان الهدف واضح عنده،
ربنا وبعده ييجي أي حاجة تاني،
شجاعة كافية انه يشوف منشور الملك بأمر بالتبخير للأوثان
ويقف يقطعه امام كل الناس، ويتعذب كتير لمده ٧ سنوات
ويخسر مكانته وخطيبته وكل شئ، لأن ربنا هو الهدف.

لسبب انه ترك كل هذا من أجل الله،
لُقب بأمير الشهداء، وسمح الله بصنع معجزات كتير بإسمه
ويُعترف بقداسته في العالم كله♥️