منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم الرب يسوع المسيح الراعى الصالح (https://www.chjoy.com/vb/forumdisplay.php?f=17)
-   -   خليني مطمئن في وسط الغير مطمئن (https://www.chjoy.com/vb/showthread.php?t=1109776)

walaa farouk 22 - 04 - 2025 07:40 PM

خليني مطمئن في وسط الغير مطمئن
 
https://upload.chjoy.com/uploads/174530418576821.jpg

إمسك بإيدي ..
لأني مش مطمن ..
كل حاجة حواليّ بتهزني ..
والأرض اللي تحت رجلي مش ثابتة ..
والناس بتتغير ..
والأخبار بتخوف ..
والقلب مش لاقي حتة يرتاح فيها.


بس إنت ..
إنت الوحيد اللي لما تمسك بإيدي ..
بنسى كل ده.

أنا مش بطلب تغير الظروف ..
ولا تمشي الدنيا على مزاجي ..
أنا بطلب تمسك بإيدي ..
بس كده.

لأن وجودك جنبي بيخليني مش محتاج أفهم كل حاجة.
ولا أعرف بكرة فيه إيه ..
ولا ليه دا بيحصل معايا.

كل اللي محتاجه ..
إنك تكون معايا.

يا أبي ..
أمسكني بإيدك ..
وخبيني في حضنك ..
وأهمسلي في ودني:
“أنا معاك، ومش هسيبك.”

أنا مش عايز أكسب المعركة ..
أنا عايز أخرج منها وأنا ممسوك فيك.

خليني مطمئن في وسط الغير مطمئن ..
وساكن فيك، لما كل حاجة برا تهزني.



الساعة الآن 10:51 PM

Powered by vBulletin® Copyright ©2000 - 2025