منتدى الفرح المسيحى - هو الوحيد اللي هيداويك عند صليبه

https://upload.chjoy.com/uploads/174470461610731.jpg

فيه ناس دخلوا شراكة وخسروا كل اللي معاهم ..
بس وجعهم الحقيقي ماكانش في الفلوس اللي راحت ..
كان في الصداقة والصدق اللي اتكسر ..
وفي الثقة اللي اتخدشت.

فيه ناس دخلوا علاقات بكل قلبهم ..
ودفعوا صحتهم ووقتهم وفلوسهم ..
بس لما خسروا .. ما بكوش عاللي ضاع ..
بكوا عالناس اللي اتغيرت.

الخسارة المادية سهلة ..
وجع النفس هو اللي صعب.

يسوع ..
اتجلد .. واتضرب .. واتعلق على خشبة.
وجع جسد فظيع ..
لكن الوجع اللي كسر قلبه مش المسامير.

الوجع كان في عيون بطرس لما أنكر ..
وفي خيانة يهوذا بالقبلة ..
وفي جموع كانت من شوية بتهتفله .
. ودلوقتي بتصرخ “اصلبه”.

يسوع احتمل الصليب ..
بس وجع الصدمة من الناس .. ده اللي نزف فيه أكتر.

وجع النفس عمره أطول ..
وجع الجسد بينتهي.
وعشان هو مختبر الاحزان ..
هو اكتر واحد حاسس بصدمتك في الناس ..
وهو الوحيد اللي هيداويك عند صليبه.