منتدى الفرح المسيحى - انــســى الهــم شــويــة و اضــحــك مـــن كــل قــلــبــك مـع قـداســة البابا شــنــو

انــســى الهــم شــويــة و اضــحــك مـــن كــل قــلــبــك مـع قـداســة البابا شــنــو

+ فى احدى الزيارات البابا للصعيد وقف رجل صعيدى من الذين ينطقون القاف " جيم " فقال للبابا - انت جاموس فى الكتاب المقدس .. يقصد " قاموس " فى الكتاب المقدس فرد عليه البابا - بس العجول " العقول " اللى تفهم ...

+ سأل رجل صعيدة قداسة البابا : انا صعيدى و بلديات قداستك و جاى مصر علشان اسأل سؤال واحد ! هل فى يوم القيامة هانقوم صعايدة ذى ما احنا ولا لع ؟ فرد عليه قداسة البابا - فى الدينونة مش هاتقوم صعيدى ربنا هيصلحك على الاخر ... و تقوم كملائكة الله فى السماء ..

+ واحد بيقول للبابا انا عندى داء النسيان , ماذا افعل ؟
رد قداسة البابا : انا خايف اقولك تنسى بكرة

+ سأل واحد البابا .. ليه ربنا خلق الحيوان قبل الانسان ؟؟؟ .. فأجاب البابا : هذا ليست ميزة للحيوان بل لكى يكون الحيوان فى خدمة الانسان ... بــــس اوعى النساء تقول ان ادام اتخلق قبل حواء علشان يكون فى خدمتها .. و على كل حال ادم خدم حواء اكبر خدمة فهى اتخلقت من ضلعه .

+ واحدة تشتكى ابنها للبابا بتقول : الواد ماكفر سيئاتى ...
فقال البابا : طيب انتى ليه يكون عندك سيئات علشان الواد يكفرها ... !!

+ واحدة بتسأل البابا و تقوله انا عندى شهوة الاكل بدرجة كبيرة لدرجة انى مهما اكون شبعانة اكل تااانى .. فرد قداسة البابا : الحمد لله ان الكاتدرائية مافهاش اكل و اوعى تاكلى ذراع للى قاعدة جنبك ...

+ يقول البابا فى ناس بتراقب الناس بشكل صعب يعنى فى عزومة واحدة تقول للضيف انت مأكلتش من الصنف ده .. طب ايش عرفك ... اكيد يتعد عليه اللقم و واحد تاانى بيقول للضيف كل من اللحمة .. يقول له اكلت .. فيقوله كل تااانى .. يرجع الضيف يقوله انا اكلت حتتين لحمة .. فيرد بسرعة لع انت اكلت 3 حتت !!!

+ واحد عنده 55 سنة و بيسأل قداسة البابا انا نفسى اتجوز لكن سنى 55 ؟؟
رد قداسة البابا و قوله : اذا كان انت عندك 55 يبقى لازم تأخد ام 44 ...

+ احدى السيدات " هل يمكنى الاعتراف من خلال التليفون "
رد البابا و قال " ممكن بس لما اقرا لكى التحليل ياريت تحطى سماعة التلفون على راسك ..."

منقول