منتدى الفرح المسيحى - ربنا يساعدني أسامحك

ربنا يسامحك
جمله ممكن تدي رجاء لكل خاطي
بس للأسف بتتقال اوقات كتير من قلوب موجوعه
من ناس جرحتها ووجعتها
للأسف اوقات بتتقال من عيون ماليانه دموع وقهر
وأوقات بتتقال من قله حيله وكسره نفس من الظلم
بس نصيحه
لو كل المشاعر دي واكتر جواك
وانت بتقول لحد قهرك كلمه ربنا يسامحك
قول روح ربنا يساعدني أسامحك
ساعتها تبقي طلعت الحق من جواك
وكمان صليت من قلبك الموجوع ان ربنا يساعدك تغفر
ساعتها روح الله هايطيب خاطرك ويقويك
أوعي تقول كلمه ( ربنا يسامحك)
وانت جواك كلمه ( ربنا ياخدلي حقي)
قول ربنا يساعدني أسامحك

ابونا جوناثان رفعت