منتدى الفرح المسيحى - الرسالة دي ليك ربنا بذاته هيحقق وعده

https://upload.chjoy.com/uploads/174343152483341.jpg

اول مرة أخد بالي من كلمة ربنا قالها لابراهيم
وقت تجربة إيمانه الأصعب عالإطلاق..
طبعًا كلنا متخيلين الحرب النفسية اللي عدى فيها ابونا ابراهيم..
ولو ركزنا هنسمع ضربات قلبه المخلوع وهو بيعلن إيمانه أنه مش راجع لوحده.. لكن قال للشباب احنا راجعين ليكم احنا الاتنين...

نيجي بقى للكلمة اللي خدت عيني النهاردة 👈🏻وقال:
«بِذَاتِي أَقْسَمْتُ يَقُولُ الرَّبُّ،
أَنِّي مِنْ أَجْلِ أَنَّكَ فَعَلْتَ هذَا الأَمْرَ،
وَلَمْ تُمْسِكِ ابْنَكَ وَحِيدَكَ، أُبَارِكُكَ مُبَارَكَةً، وَأُكَثِّرُ نَسْلَكَ تَكْثِيرًا،
(التكوين ٢٢: ١٦، ١٧)
الله قاله ((بذاتي)) .. بنفسي.. هاباركك..

النهاردة لو ماسك وعد بنجاة من تجربة صعبة..
لو معاك كلمة من ربنا انك هتعدي خطوة إيمان مش عارف تعديها..
الرسالة دي ليك: ربنا "بذاته" هيحقق وعده..

ربنا بنفسه حسب خيره هيبارك..
ربنا بنفسه حسب قدرته هيتصرف..
ربنا بنفسه حسب مراحمه هيتحنن...
ربنا بنفسه حسب قوته هيعوض..
ربنا بنفسه معاك..💜