منتدى الفرح المسيحى - مش هعرف اعملها من غيرك مش هقدر

https://upload.chjoy.com/uploads/17073389116081.jpg

امبارح كان عندى يوم مهم أوي ومختلف..
كان عندى مشاعر ملخبطة مابين خوف وقلق
وحماس وترقب للي جاى، ووسط اللخبطة دي
كلها كان جوايا حقيقة ثابتة قادرة ادركها واتحرك بيها،
إنه نعمة ربنا هاتقودني ووجهه هيسير قدامي
يمهد كل حاجة وكل اللي خايفة وقلقانة منه هو هايدبره زي كل مرة

وفضلت أصلي طول اليوم بالآية دي:
إِلهِي رَحْمَتُهُ تَتَقَدَّمُنِي." (مز ٥٩: ١٠).

الحقيقة إنه اليوم كان فوق توقعاتي،
عناية اللي بيّ كان واضح في كل تفصيلة صغيرة
حتى اللي مكانش في بالي هو رتبه..

اشجعك النهاردة، خليك دايمًا ماسك فيه
قوله يارب مش هعرف اعملها من غيرك مش هقدر
من غير نعمتك ورحمتك..
اسندني وقويني وارشدني في خطواتي🙏