منتدى الفرح المسيحى - لما تهرب من دعوة ربنا هيطاردك بحبه

https://upload.chjoy.com/uploads/173953023244731.jpg

يونان حاول يهرب من ربنا لأنه خاف،
ولأنه مكنش عايز أهل نينوى يتوبوا.

بس هو نسي إن ربنا مش بيتساب وراه!
حتى في وسط البحر، وسط العاصفة،
جوه بطن الحوت، ربنا كان بيحاوطه بحبه
وبيجهزه للرسالة اللي هيرجع يكملها.

كتير بنكون زي يونان، نهرب من مسئولياتنا،
من دعوة ربنا، من الخدمة، وأحيانًا حتى منه شخصيًا!
بس الحقيقة إن مفيش مكان بعيد عن ربنا،
ومفيش قلب هو مش قادر يوصله.

ربنا مش بيسيبنا نهرب بعيد،
لكن بيسمح بحاجات توقفنا علشان نرجع ليه بقلب تائب ومستعد.

لو حاسس إنك هربت، أو مش عايز تواجه اللي ربنا عايزه منك،
افتكر إن محبته أكبر من هروبك،
وإنه مستنيك ترجع عشان يكمّل خطته في حياتك! ❤️

“إِلَى الرَّبِّ صَرَخْتُ مِنْ ضِيقِي فَاسْتَجَابَ لِي” (يونان ٢: ٢)
يونان_النبي