منتدى الفرح المسيحى - يارب ياللي بحنانك وعدت بالبركات

https://upload.chjoy.com/uploads/17389235363791.jpg

يارب ياللي بحنانك وعدت بالبركات ومليت عالمنا الكبير بالفضل والحسنات
وكل يوم بتفيض على الأرض بالخيرات
بارك بلادك كلها ومصرنا بالذات
يمكن يكون شكل الطلب فيه شيء من الأنانية بس أنت عارف الضمير وكاشف النية
وأنت اللي بتعامل البشر بمحبة و حنية وصلاتنا مرفوعة بخشوع مليانة شفافية
والأمر كله إن فيه حاجة شديدة إليك وفيه ملايين البر واقفة و بصة عليك
عايزين نشوف جودك في الزرع و المية تملا الغيطان من خيرك والحبة تصير مية
وتبارك العامل وترزق المحتاج وتجاوب السائل تديله ما يحتاج
وكل ساعي في طريقه أضمن له أنت سلامه وكل مخلص وأمين أفتح له باب قدامه