منتدى الفرح المسيحى - شبهك ولا مفروض عليكى

https://upload.chjoy.com/uploads/173882328687041.jpg

وأنا بتفرج على مسلسل موضوع عائلي..
عجبني واحد من الأبطال وهو بيقرر يرفض شغل تمثيل
مع إنه بمقابل مادي حلو
عشان مش حابب الدور.🤷
وبعدين بيتعرّض لأزمة فبيقرر يقبل الشغل ده

وأنا هنا مش بقولك اقبلي بحاجات مش مناسبة عشان تعدي الأزمة.
. بس عايزة أقولك خليكي عارفة بتعملي إيه إمتى وإزاي دايمًا..

ركزي على اللي بتعمليه هل هو شبهك.. 😉
مناسب ليكي ولا بتعيشي قصة ودور وحياة اتفرضوا عليكي سواء من أشخاص أو مجتمع🤔

يا ترى بين الوقت والتاني بتراجعي نفسك
عشان تتأكدي إنك بتعيشي قصتك وحياتك
مش حياة وأحلام حد تاني؟؟🤷