منتدى الفرح المسيحى - خرافة البداية الجديدة

https://upload.chjoy.com/uploads/173845087423651.jpg

كلنا بنقع في خرافة اسمها "البداية الجديدة"
يعني مستنيين توقيت معين عشان نبدأ من جديد.. 🙊
زي أول الشهر عشان أقرا كتب وأنظم مواعيدي
أو حتى ريجيم يوم السبت وكل أسبوع فيه سبت

طيب ليه بنعمل كده؟🤷🏼‍♀️
فيه 3 أسباب بيخلونا نستنى ومنبدأش إلا في مواعيد محددة

السبب الأول: إننا عايزين نتطمن لأني لما بأحدد وقت معين
بحس إن أنا اللي مسيطرة على أمور حياتي وقراراتي💪

السبب التاني: إني أتجنب الفشل... ✌️
يمكن لأني لو بدأت حالًا مش هكون جاهزة
زي مثلًا مشتريتش كام حاجة ينفعوني في الريجيم🤔

السبب التالت: قد يكون إن المجتمع كله بيقول كده
وإن من أول السنة أو الشهر هكون إنسان جديد
وأنا عايزة أعمل زيهم😌

طيب أعمل إيه؟
في برضه 3 حقايق لازم أعرفهم:
الحقيقة الأولى: إن أي وقت ينفع يكون وقت بداية جديدة😉

الحقيقة التانية: إن التغيير بيحتاج وقت وجهد وصبر💪

الحقيقة التالتة: إن الأهم هو الإجراء مش النيّة...
نيّة التغيير لوحدها مش كافية إني أتغيّر
لكن بداية التغيير هي الأساس😌

وإنتي تحبي تبدأي إيه هنا ودلوقتي؟😍