منتدى الفرح المسيحى - دموعك النهاردة هي الأرض اللي ربنا بيزرع فيها فرح بكرة

https://upload.chjoy.com/uploads/173832274639571.jpg

عارفة الآية وحفظاها كويس، بس أول مرة أخد بالي من التفاصيل:
مِنَ الآكِلِ خَرَجَ أَكْلٌ، وَمِنَ الْجَافِي خَرَجَتْ حَلاَوَةٌ" (قضاة ١٤: ١٤).

بنقف كتير قدام مواقف في حياتنا ونشوفها
زي "الآكل" اللي جاي يهددنا ويكسرنا أو "الجافي"
اللي مافيهوش أي رجاء!!
ممكن يكون وجع، خسارة، أو حتى ألم غير مفهوم، ونسأل:
إزاي الحاجة دي هيطلع منها خير؟
لكن الآية دي بتفتح عينينا
وتشجعنا أنه إلهنا عنده القدرة يطلع حلاوة من المستحيل.

يمكن دموعك النهاردة هي الأرض اللي ربنا بيزرع فيها فرح بكرة.
ثق إن كل وجع بيعدي عليك، مش نهاية القصة.
إلهك دايمًا شايف الصورة كاملة،
وبيشتغل في التفاصيل علشان
يحوّل اللي بيوجعك النهارده لفرحة عظيمة بكرة
، ثق فيه، واستنى العسل اللي هيطلع من الجافي 💜