منتدى الفرح المسيحى - خدعوك فقالوا الخدمة مكان لتحقيق الذات

https://upload.chjoy.com/uploads/173763620518641.jpg

خليك_خادم_واعى
خدعوك فقالوا "الخدمة مكان لتحقيق الذات"..
الخدمة مكان لعمل الله..مش مكان إنك تثبت أى حاجة لأى حد..
كونك فاكر إن الخدمة مكان لتحقيق ذاتك.
.يبقى أنت كدة خليت الخدمة تدور حواليك..حول ذاتك..
هتلاقيك بتفكر فى نفسك أكتر ما بتفكر فى المخدوم..
دة معناه إنك هتركز على نجاحك الشخصي بدل تأثيرك الروحي..
فبالتالى دة هيمنع المخدومين من رؤية الله بوضوح لأنك بتكون أنت في الصورة بدل الله..
دخول الذات فى الخدمة..بيرسم طريق خصب لدخول الشيطان..
خليك دايماً صاحى وأقفل أى ثغرات ممكن يستخدمها الشيطان ضدك..
الخدمة الحقيقية بتبدأ لما تنسى نفسك وتحط الله والمخدوم في الأولوية..