منتدى الفرح المسيحى - التحديات والفخوخ لما القادة ينجحوا

https://upload.chjoy.com/uploads/173775385362941.jpg
واحده من اكبر التحديات و الفخوخ المُلغمه اللي بيقع فيها قادة الكنيسه هي لما ينجحوا
بداية الانهيار لما يحس الخادم ان المجد اللي هو فيه ده امر طبيعي
و يتعود عليه و كأنه تحصيل حاصل و حق مكتسب لانه عليه طلب
و عنده امكانيات و الناس بتحب تتعامل معاه.
للاسف بتكون الاورام انتشرت في جسمه و هو مش حاسس انه بينه و بين نهاية خدمته
او رفض الله لخدمته شعره، لما مايسمعش كلام تحذير الرب بصوت عااااااااااااااااااالي
"قَبْلَ الْكَسْرِ الْكِبْرِيَاءُ، وَقَبْلَ السُّقُوطِ تَشَامُخُ الرُّوحِ." (أم 16: 18).

داود لما عمل احصائيه عشان يشوف قوته عشان يتطمن انه جامد و خدمته مكمله تمام
حزقيا لما فرج بردوخ بلادان على اسلحته و على مخازنه
عشان يقول لنفسه انا تمام و بومب و مش مريض و عندي امكانيات هنا و هناك

جحازي لما استسهل المعجزه اللي حصلت قدامه مع وزير دفاع اقوى جيوش العالم وقتها
و امثله غيرهم كثير.... الرب بيوريهم نفسهم قدام نفسهم لانه قال
"«أَنَا الرَّبُّ هذَا اسْمِي، وَمَجْدِي لاَ أُعْطِيهِ لآخَرَ، وَلاَ تَسْبِيحِي لِلْمَنْحُوتَاتِ." (إش 42: 😎.
يا خادم يا اللي عايز تنجح و تكبر جدا لمجد المسيح،
طالما المسيح الهك الحي هاتفضل تكبر و تنجح لحد ما تَصِيرُ شَجَرَةً،
حَتَّى إِنَّ طُيُورَ السَّمَاءِ تَأْتِي وَتَتَآوَى فِي أَغْصَانِهَا»." (مت 13: 32)