منتدى الفرح المسيحى - قيمتها كبيرة حتى لو كانت بسيطة

https://upload.chjoy.com/uploads/173771580196611.jpg

لما بقرا واشوف المسيح
كان بيشجع الناس على التفكير بشكل إيجابي، يعني مثلًا لما قال:
فَلاَ تَهْتَمُّوا لِلْغَدِ، لأَنَّ الْغَدَ يَهْتَمُّ بِمَا لِنَفْسِهِ.
يَكْفِي الْيَوْمَ شَرُّهُ." (مت 6: 34).
كان بيدينا الطريقة الصح عشان نعيش أحسن..
يعني بدل ما تشوف الصورة سودا
وتتوقع إن الأيام الجاية كلها مشاكل واحتياجات..
ابتدي النهاردة أعمل حاجة مختلفة..
أكتب حاجة إيجابية حصلت معاك في اليوم،
حتى لو كانت صغيرة، ده هيخلي عقلك يركز
على البركات والخيرات اللي عندك بدل ما يركز على الصعوبات..
شوية شوية هتبطل التوقعات السيئة..
تعالوا نشجع بعض ونتشارك بالإيجابي اللي عندنا..