منتدى الفرح المسيحى - ليه يا رب ؟! أشمعني أنا.

منتدى الفرح المسيحى (https://www.chjoy.com/vb/index.php)

- كلمة الله تتعامل مع مشاعرك (https://www.chjoy.com/vb/forumdisplay.php?f=45)

- - ليه يا رب ؟! أشمعني أنا. (https://www.chjoy.com/vb/showthread.php?t=109197)

ليه يا رب ؟! أشمعني أنا.

ليه يا رب ؟! أشمعني أنا.
https://images.chjoy.com//uploads/im...0f96dd4255.jpg
كنت بعاتب ربنا ليه بيحصلي كده؟! و نسيت الآية اللي ..
ودار حوار في داخل نفسي أنت عايز ربنا يجاوبك ليه؟! هو أنت شايف أن في علاقة شخصيةقوية بينك و بين ربنا علشان يجوبك ده اللي بينك وبينه عامل زي شارع اتجاه واحد.. شارع بتمشي فيه عربيات ماركة "طلبات" "تظلمات " و فين وفين تمر فيه "تشكرات". عارف ليه لأنك لما بتقعد قدامه (ده لو عندك أصلاً وقت)
بتقول كلمتين وتجري ماعندكش وقت تسمع هو عايز منك إيه أو حتى هيقولك إيه..مع كل ده صابر عليك و مش بيزعلك لأنك ابنه. رغم كل ده شوف كام حاجة في اليوم بتعملها بقصد ومن غير قصد و بتجرحه.
ولما الضغوط تزيد عليك تحس أن لازم تعيد حساباتك و تصرخ.....
"ألحقني يارب أنا محتاج ليك محتاج لطريقك"
(ما أضيق الباب وأكرب الطريق الذي يؤدي إلي الحياة وقليلون هم الذين يجدونه(
هو أه طريق ربنا صعب شوية يعني مثلا عايز شخصية جبارة "سوبرمان" مثلاً علشان يقدر يقول للخطية مهما عملتي أنا خلاص مش عايزك. "أزاي وأنا ضعيف"
ياحبيبي..
ده مش متوقف علي ضعفك أو قوتك ده متوقف علي تسليم حياتك لربنا ... ربنا مش عايز منك غير انه يكون ملك علي قلبك عايزك في يوم تشتهي حبه.
صديقي..
من المحتمل يستمر حالك كما هو أو حتى ظروفك لا يطرأ عليها أي تغير
لكن...التغير الحقيقي هو في روحك أنتِ ،ما كان يسعدك وقتياً الآن تنفرمنه
" فرح الفاجر إلي لحظة"(أي 5:20 )