منتدى الفرح المسيحى - خضوعك النهارده ممكن يكون بداية لمجد أعظم

https://upload.chjoy.com/uploads/173377821001511.jpg

نوح اتحط في مواجهة تحدٍ غير عادي..
يونان واجه خوفه وعصيان قلبه..
نحميا وقف قدام دمار شعبه، ودانيال اتحدّى الملوك والعالم.
والسيدة مريم العذراء… مثال عظيم للخضوع الكامل. اتكلفت بتكليف صعب،
لكنها استقبلته بقلب مفتوح، وافقت تدفع التمن، والنتيجة؟
تكليفها كان مجدًا للبشرية كلها. ❤️
لكن الجميل إن التمن مش عليك لوحدك… هو بيتكفل بيه.
ورغم كده، مريم ما كانتش بتقف مستنية، كانت سهرانة، مخلصة،
أمينة في صلاتها، في حياتها، وفي كل خطوة.
الناس كلها شافت فيها الطهارة والخضوع العميق.
يمكن الرب كلمك في وقت قريب، يمكن كلفك بحاجة جديدة،
يمكن حط على قلبك رسالة أو دور.
ده وقت السهر…
سهران على حياتك، صلاتك، دوائرك،
بتقول بكل قلبك:
أنا بيتك يا رب، أنا الإناء اللي هتستخدمه، أنا رسولك على الأرض.
خضوعك النهارده ممكن يكون بداية لمجد أعظم، مكافأة أعظم،
وأثر أعظم. أنت مستعد تدفع التمن؟