منتدى الفرح المسيحى - كانت مركزة بس على إنها تحقق قصد ربنا في حياتها

https://upload.chjoy.com/uploads/173616312932821.jpg

بستغرب جدا من ردود أفعال العذراء مريم.
مواقف كتير عديت عليها والطبيعي إنها تتوتر،
تحسبها بعقلها، طب تفكر في نفسها.🤷🏻‍♀️
يظهرلها ملاك ويقولها هتحبلي
وهتولدي بطريقة معجزية وهي بكل بساطة تبلع الخبر
وبكل طاعة تقول "هوذا أنا أمة الرب"😲
، يعني اللي ربنا يشوفه يمشي.

طب فكرتي إنك ممكن تفقدي خطيبك؟
أو ممكن تفقدي سمعتك وتترفضي أو تترجمي من مجتمعك؟
شخصية نادرة كانت عارفة دورها كويس
، وعارفة إن المطلوب هو الطاعة
وقبول مشيئة ربنا حتى لو كان على حساب نفسها.

الغريب إن العذرا، رغم إن دورها كان محوري جدًا👌،
لكن مكانتش بتحاول تظهر ولا تعمل حواليها دوشة.
بالعكس، كانت مركزة بس على إنها تحقق قصد ربنا في حياتها.