منتدى الفرح المسيحى - زوادة اليوم: حِبّ العالم متل ما بيحِبَّك الربّ 2025/1/5

زوادة اليوم:
حِبّ العالم متل ما بيحِبَّك الربّ !
https://upload.chjoy.com/uploads/171341852377671.jpg
بيخبرو إنّو بضيعة زغيرة في شب إسمو يوسف كلّ الناس بتحبّو بس كان عنده جار إسمو أبو جاد، دايماً بيحكي عنّو بطريقة بشعة و كلّ الضيعة بتعرف إنّو أبو جاد ما بيحبّو ليوسف.

مرَّة من المرّات، صار في حريق كبير ببيت أبو جاد و عيلتو كلّها جُوّا.

لمّا شاف يوسف النار من بعيد، ركض و فات عالبيت بدون ما يفكِّر بحياتو.

كلّ الناس قالولو ما يتدخّل بس ما ردّ عليهن وفِعلاً، قِدِر يخلِّص أبو جاد و عيلتو بس انصاب يوسف بجروح كتيرة.

الكلّ سألوا حالُن ليش عمل هيك يوسف كرمال حدا ما بيستاهل!

لمّا سألوه كان جوابو آية من الإنجيل :

"وأما أنا فأقول لكم: أحبّوا أعداءكم، باركوا لاعنيكم، أحسنوا إلى مبغضيكم، وصلّوا لأجل الذين يسيئون إليكم ويطردونكم."

تصالح يوسف و أبو جاد و حُبّ الربّ بقلوبن إنتصر!

حِبّ العالم متل ما بيحِبَّك الربّ.
والله معك.