منتدى الفرح المسيحى - يا منبع الأفراح ياروح الله املانا

https://upload.chjoy.com/uploads/173478122985591.jpg

يا منبع الأفراح
ياروح الله املانا
عايزين فرح حقيقي
يكبر ويزيد جوايا

لا يفرحنا ولا يشبعنا
خمر العالم الحزين
لكن نفرح لما بتفتح
أبوابك لينا يا معين

كرمة وتين مش عايزين
ولا كتر أراضي وأملاك
إنت أمين يارب ومين
يسعدنا ويكفينا سواك

لا زنزانة ولا ترسانة
هاتوقف تسبيح الرب
الفرحة الحلوة الرنانة
تكسر كل قيود القلب

مين يحرمنا من أحلامنا
اللي إحنا بنحلمها معاك
شوقنا يا فادي نقف وننادي
نعلن عن حبك وفداك