منتدى الفرح المسيحى - تعالى إليه و اترمي عليه و حط ايدك فى ايديه

https://upload.chjoy.com/uploads/173487729094971.jpg

اطمن واوعى تخاف
اللى ماشى معاك هوالاله القدير اللى يقدر يمنحك القوة فى ضعفك
اللى ماشي معاك هو الإله الغني اللى يقدر يسدد اعوازك و احتياجاتك
هو الراعى الصالح اللى يقدر يردك فى ضلالك و تيهانك
هو الطبيب العظيم اللى يقدر يشفى امراضك و يخفف اوجاعك
و هو رئيس السلام اللى فى مخاوفك يقدر ينزع مخاوفك
و يمنحك سلامه
و هو ملك الملوك ورب الارباب اللى يقدر يدافع عنك و يحارب حروبك و يضمن لك الأنتصار
و هو الشفيع العظيم اللى مش هيسيبك لإبليس يضللك
و يبعدك و لكنه هيردك لمكانتك و يرد اعتبارك
و هو الأمين و العادل اللى لما بتجيله بخطاياك بيغفرها
و عيوبك بيسترها و يريح قلبك و ضميرك
و هو اللى هتلاقيه معاك لو اترميت فى أتون النار
ذي ما كان مع الفتية الثلاثة فى الاتون المحمي
سبعة أضعاف و انقذهم و نجاهم
وهو اللى مش هيسيبك لوحدك لما الناس تتخلى عنك فى ازماتك
ذي ما قال الرسول بولس :
الجميع تركوني لا يحسب عليهم و لكن الرب وقف معي و قواني
وهو اللى فى وقت جوعك مش هيتخلى عنك ابدا
ذي ما بيبعت خبز ويا الغراب لايليا
و الكلام كتير و كتير
مفيش احلى منه
مفيش اعظم منه
مفيش اكرم منه
مفيش أقرب منه
مفيش احن منه
تعالى إليه و اترمي عليه و حط ايدك فى ايديه
هتدوق حلاوته و تسكر بمحبته
و تندم على السنين اللى ضاعت منك فى البعد عنه
إنه الرب يسوع المسيح
له الملك والقوة والمجد الى الابد