منتدى الفرح المسيحى - زوّادة اليوم:كلنا مدعوّين عالسما بفضل عيد الميلاد المجيد 2024/12/22

زوّادة اليوم:
كلنا مدعوّين عالسما بفضل عيد الميلاد المجيد
https://upload.chjoy.com/uploads/173424322678271.jpg
بس نقرا بالكتاب المقدّس نصوص زمن الميلاد
منتعرّف عا قدّيسين كتير متل زكريا و اليصابات
و ابنن يوحنّا، العدرا، مار يوسف... و كل واحد منّن مميّز مثلا زكريّا و اليصابات كبار بالعمر و يوحنا طفل و العدرا صبيّة
و مار يوسف بعمر متوسّط. منلاقي بيناتن كاهن، ستّ بيت، نجّار...
هالتنوّع فيه رسالة لكل انسان تا يقلّو مين
ما كنت فيك تشهد عا ولادة الرب يسوع
و خلّي شهادتك لهالحدث يكون حجر اساس بقداستك
اللي فيك تعيشها مين ما كنت و وين ما كنت!
كلنا مدعوّين عالسما بفضل عيد الميلاد المجيد
، عيد تجسّد يسوع بيناتنا!
والله معكن.