منتدى الفرح المسيحى - كانوا فى عمل جماعى

https://upload.chjoy.com/uploads/173451739598661.jpg

ما ارهب الموقف اللي اتعرضت ليه القديسه العذراء مريم،
تسمع من ملاك مرسل من الله انها المنعم عليها
و المباركة بين النساء و ان الله اختارها
لعمل عظيم ماحدش هايقوم بيه غيرها،
لكن الله في حنانه و حكمته كلم يوسف خطيبها
من خلال الملاك ايضا عشان يكون معاها مش ضدها عشان يكمل في دعمه للرساله العظيمة جدا اللي هاتقوم بيها القديسه مريم
ربنا في جماله لما بيتكلم في امر يخص عمل الخدمة و الكنيسه
، ثق انه هايكلم اخرين ايضا زيك و هايشجعهم انهم يكونوا معاك في نفس المركب و يكونوا جزء من عمل كبير بيقوم بيه رب الكنيسه
و باينها و مؤسسها بدمة الكريم
ثق ان الله بيكلمك و بيكلم غيرك، انتظر الوقت المناسب
و اتكل عليه في كل اللي بيوعدك بيه.
القديس يوسف و القديسه العذراء مريم قاموا بعمل تاريخي فوق ادراك و استطاعه اي حد ان يتخليله و ده لان صانع التاريخ قرر انه يستخدمهم
تقبل استخدامه ليك
و تقبل تكون جزء من عمل جماعي بيحضره هو ليك؟